Eqikkaaneq
Uuma saqqummersitap siunertaraa nuna tamakkerlugu naatsorsuutinut ilaasut atuisunit atorneqarsinnaalernissaat. Nuna tamakkerlugu naatsorsuutinut ilaasut tassaapput datat, misissueqqissaarnerup inerneri aamma input-output tabeli.
Input-output tabelip nassuiarnera
Inuiaqatigiit tunisassiornerisa isikkuannik aamma inuiaqatigiit nioqqutissanik kiffartuussinernillu atuinerannik sukumiisunik input-output tabeli imaqarpoq. Tabelimi nuna tamakkerlugu naatsorsuutini pingaarnertut immikkoortut pingasut itisilerlugit sammineqarput, immikkoortut tassaasut; nioqqutissat aamma kiffartuussinerit, tunisassiorneq aamma isertitat pinngortarnerat.
Input-output tabelimi takuneqarsinnaapput, inuussutissarsiorfiit nioqqutissanik inuussutissarsiorfinnit sumit pisarnersut aamma inuussutissarsiortunit sorlernit kiffartuunneqartarnersut, taamatuttaaq nioqqutissanik eqqussuinermi inuussutissarsiorfiit nioqqutissanik inuussutissarsiorfinnit sumit pisarnersut aamma inuussutissarsiortunit sorlernit kiffartuunneqartarnersut. Atuinermi aamma aningaasaliinerni nioqqutissanillu eqqussuinermi inuussutissarsiutinit sorlernit pissarsisarnersut qanorlu nioqqutissat atorneqartarnersut takuneqarsinnaavoq.
Takussutissiami 1-imi takuneqarsinnaavoq 2012-miit 2019-imut input-output tabelip eqikkarnera. Tabelimi takuneqarsinnaavoq 2019-imi pilersuineq katillugu 43.627 mio. kr.-usimasoq. Inuussutissarsiortut tunisassiornerat 32.633 mio. kr.-usimapput, tunisassiornikkut akileraarutit tapiissutit ilanngaatigalugit 769 mio. kr.-usut. Taakku saniatigut nioqqutissat tikisinneqarsimasut aamma kiffartuussinerit avataaneersut 10.225 mio. kr.-nik naleqarsimapput. Input-imi takuneqarsinnaavoq, nioqqutissanik kiffartuussinernillu pilersuineq katillugit atuinernut aamma tunisassiornernut kiisalu atuinernut allanut, ass. avammut tunisinernut immikkoortinneqarsimasut.
Takussutissiaq 1. Input-output akit ingerlaavartut tunngavigalugit
|
2012 |
2013 |
2014 |
2015 |
2016 |
2017 |
2018 |
2019 |
|
Input mio. kr.-inngorlugit |
|||||||
Kalaallit tunisassiaat Tunisassiornermi input-i |
25.934 |
25.830 |
26.626 |
27.776 |
29.915 |
30.949 |
31.515 |
32.633 |
Tunisassiornikkut akileraarutit tapiissutit ilanngaatigalugit.... |
491 |
443 |
545 |
501 |
632 |
638 |
771 |
769 |
Nioqqutissanik kiffartuussinerillu avataanit pisat.......... |
9.594 |
8.778 |
7.755 |
7.654 |
8.214 |
8.193 |
8.745 |
10.225 |
Pilersuineq katillugu............................. |
36.019 |
35.050 |
34.925 |
35.931 |
38.761 |
39.780 |
41.032 |
43.627 |
|
||||||||
Tunisassiornermi nioqqutissanik atuineq |
11.308 |
11.193 |
11.219 |
11.463 |
12.324 |
12.758 |
12.991 |
13.412 |
Inuinnaat atuinerat............................... |
6.425 |
6.418 |
6.652 |
6.677 |
6.828 |
6.928 |
6.943 |
7.005 |
Pisortat atuinerat................................ |
6.920 |
7.216 |
7.312 |
7.432 |
7.717 |
7.986 |
8.325 |
8.755 |
Tamakkiisumik aningaasaliinerit...................... |
5.695 |
4.538 |
3.605 |
4.040 |
4.464 |
4.446 |
4.195 |
6.251 |
Nioqqutissat kiffartuussinerillu avammut tunisat........... |
5.670 |
5.685 |
6.137 |
6.319 |
7.429 |
7.662 |
8.578 |
8.205 |
Atuineq katillugu................................ |
36.019 |
35.050 |
34.925 |
35.931 |
38.761 |
39.780 |
41.032 |
43.627 |
Pilersuinermi oqimaaqatigiinneq
Pilersuinernik oqimaaqatigiissitsisarneq nuna tamakkerlugu naatsorsuutit tunngaviusumik ilisarnaatigaa, tassanilu pissarsisarnerit atuisarnerillu akornanni ataqatigiittoqarnera takutinneqartarpoq. Pilersuineq tunisassiornikkut naleqarnerulersitsinermit ( BNP) taavalu nioqqutissianik kiffartuussinernillu avataaniit eqqussuinermit pilersinneqartarpoq. Taannalu pilersuineq inuinnaat pisortaqarfiillu atuineratigut, aningaasaliinernut imaluunniit avammullu tunisinermi atorneqartarpoq.
Titartagaq 1-mi takuneqarsinnaasutut 2019-mi nioqqutissanik kiffartuussinernillu pilersuineq 30.215 mio. kr.-uvoq, tassani kalaallit tunisassiornermikkut naleqarnerulersitsinerat (BNP) 19.990 mio. kr.-ulluni avataaniillu nioqqutissanik kiffartuussinernillu eqqussuineq 10.225 mio. kr.-ulluni. Pilersuinerup katinnera atuinerup annertoqatigaa, tassa Inuit atuinerat 7.005 mio. kr.-uvoq, Pisortaqarfinni aningaasartuutit 8.755 mio. kr.-nit, Aningaasaliinerit 6.251 mio. kr.-nit taavalu nioqqutissanik kiffartuussinernillu Avammut tunisat 8.205 mio. kr.-ullutik.
Titartagaq 1. Pilersuinermi oqimaaqatigiinneq, akit ingerlaavartut, mio. kr.
Input-output tabelit ukiuni 17-ini
Manna saqqummersitaq ilanngullugu, Kalaallit Nunaani input-output tabelit piffissaq 2003-miit 2019 ilanngullugu taamaalillutik pigineqalerput. Taakku akit nalunaarsorneri ima immikkoortitigaapput; akit ingerlaavartut, akit aalajangersimasut aammaukiup siuliani akit ataavartut. Taakku itinerusumik nassiuiarneqarneri ”2006-imiit 2015-imut nuna tamakkerlugu naatsorsuutit”-ni atuarneqarsinnaapput, saqqummersitaq naatsorsueqqissaartarfiup nittartagaani www.stat.gl-imi aaneqarsinnaavoq.
Akit ingerlaavartut
Uani saqqummersitami kisitsisit tamarmik akit ingerlaavartut tunngavigalugit suliarineqarput, taamaakkaluartorli allat tunngavigalugit akinik naatsorsuinerit allat Naatsorsueqqissaartarfiup nittartagaatigut www.stat.gl-ikkut aaneqarsinnaapput.
Tabelit kisitsisaataasivimmi pissarsiarineqarsinnaapput
Inuussutissarsiorfiit immikkoortiterneqarneri 11*11-iusut tunngavigalugit saqqummersitaq una suliarineqarpoq. Kisianni inuussutissarsiorfiit immikkoortiterneri 34*34-t tunngavigalugit suliat Naatsorsueqqissaartarfiup kisitsisaataasiviani pissarsiarineqarsinnaapput. Inuussutissarsiutit agguataarneri aamma inuussutissarsiutit 34-miit 11-mut paasinarsarlugit suliarineri saqqummersitap naggataani takuneqarsinnaapput.
Saqqummersitami aamma atuarneqarsinnaapput amerlisaatitut kisitat naat-sorsorneri, taakku input-output tabelimi ajornaatsumik aningaasaqarnerup isikkussaanik naatsorsuinernut tunuliaqutarineqarput. Kisitsisit toqqaannartumik aamma toqqaannanngitsumik takutippaat perusunneqartut ataatsimik annertusigaangata nioqqutissat aamma suliffeqarnerit sunniutaat qanoq isikkoqarsinnaaneri.